ពិធីបុណ្យ អ៊ុំទូក រយៈពេល២ថ្ងៃ បានបញ្ចប់ដោយរលូន នៅក្នុងខេត្តឧត្តរមានជ័យ
20-November-2017 | ដោយ ពលមនសិការ
ឧត្តរមានជ័យ ៖ បុណ្យ អ៊ុំទូក បណ្តែតប្រទីប ដែលជាបុណ្យប្រពៃណីខ្មែរ ដើម្បី ចូលរួមថែរក្សាប្រព្រៃណីទំនៀមទំលាប់របស់ដូនតាខ្មែរតាំងពីបុរាណយើងតរៀងមក នៅ បឹងស្នោរ ក្រុងសំរោង ខេត្តឧត្តរមានជ័យ បានប្រារព្ធធ្វើ ថ្ងៃទី ១៨-១៩ ខែវិច្ឆិកា ឆ្នាំ២០១៧ ត្រូវនឹងថ្ងៃ ១៥រោច ខែកត្តិកដល់ថ្ងៃ ០១កើត ខែមាឃ ពស២៥៦១ នេះ រួចរាល់ជាស្ថាពរហើយ ដែលផ្តួចផ្តើមដោយ លោក ស ថាវី អភិបាលខេត្តឧត្តរមានជ័យ រួមទាំងមន្ត្រីរាជការ ដែលមានទូកចូលរួមមកពីបណ្តាលស្រុក ក្រុង ចំនួន ៥ នាឱកាស នោះដែរ មានប្រគុំតន្ត្រីរាំលេង នៅពេលរាត្រី ដែលរៀបចំឡើងនៅបរិវេណបឹងស្នោរ ក្នុងសួនកំសាន្ត មុខអាគាររដ្ឋបាលសាលាខេត្តឧត្តរមានជ័យ ។
នៅរសៀលថ្ងៃទី១៩ ខែវិច្ឆិកា ម្សិលមិញដែលជាថ្ងៃបញ្ចប់ពិធីបុណ្យ អ៊ុំទូក ក៏មានការអញ្ជើញចូលរួមជាអធិបតីពីសំណាក់ ឯកឧត្តមបណ្ឌិត គន់ គីម ប្រធានក្រុមការងារថ្នាក់ជាតិចុះជួយខេត្តឧត្តរមានជយ័ផងដែរ ឯកឧត្តម នៅ សំ សមាជិកព្រឹទ្ធសភា និងជាអ្នកតំណាងរាស្ត្រខេត្តឧត្តរមានជ័យ ឯកឧត្តមនាយឧត្តមសេនីយ៍ ឈិន ច័ន្ទពណ៌ អគ្គមេបញ្ជាការរងនៃកងយោធពលខេមរភូមិន្ទ និងឯកឧត្តម លោកជំទាវ ក្រុមប្រឹក្សាខេត្ត អភិបាលរងខេត្ត ថ្នាក់ដឹកនាំតាមបណ្តាអង្គភាពមន្ទីរមន្ត្រីរាជការបងប្អូនប្រជាពលរដ្ឋយ៉ាងច្រើនកុះករ ។
លោក ស ថាវី អភិបាលខេត្តមានប្រសាសន៍ថា ពិធីបុណ្យ អ៊ុំទូក នេះប្រព្រឹត្តិទៅដោយរលូន តាមផែនការដែលបានគ្រោងទុក នេះជាលើកទី១២ហើយ ខេត្តបានប្រារព្វធ្វើពិធីបុណ្យ អ៊ុំទូក អ្វីដែលជាមោទនៈភាពនោះគឺខេត្តឧត្តរមានជយ័មិនមានទន្លេ ឫស្ទឹងដែលអាចផ្តល់ភាពងាយស្រួលដល់ការៀបចំពិធីបុណ្យ អ៊ុំទូកដូចបណ្តា រាជធានីខេត្តមួយចំនួន នៃព្រះរាជាណាចក្រកម្ពុជា ! តែយើងទាំងអស់គ្នានៅតែខិតខំពុៈពាររៀបចំពិធីបុណ្យនេះអោយលិចចេញជារូបរាង និងអោយមានភាពអធិកអធមដូចខេត្តនានាផងដែរ។
លោក ស ថាវី ថ្លែងបញ្ជាក់ថា ពិធីបុណ្យ អ៊ុំទូក ឆ្នាំនេះនៅខេត្តឧត្តរមានជយ័មានទូកចំណុះ២២នាក់ ចូលរួមប្រគូតចំនួន១៥ទូក ដែលជាទូក របស់រដ្ឋបាល ក្រុង-ស្រុក មន្ទីរ និងអង្គភាពជុំវិញខេត្ត រួមទាំងទូករបស់ ខេត្ត បុរីរាំ ព្រះរាជាណាចក្រថៃ មួយ សរុបទាំងអស់ចំនួន១៦ទូក ។
ទូក ដែលទទូលបានចំណាត់ថ្នាក់លេខ១ ទទួលបានពានមួយ ថវិការ៥លានរៀល ទូកលេខចំណាត់ថ្នាក់លេខ ២ ថវិការ៣លានរៀល ទូកបានចំណាត់ថ្នាក់លេខ៣ ថវិការ ២លានរៀល ដោយឡែក ទូក១៣ទៀតទទួលបានថវិកា លើកទឹកចិត្តដល់កីឡាករ កីឡាការនី របស់ឯកឧត្តមបណ្ឌិត គន់ គីម មួយលានរៀលផងដែរ ៕
ចំនួនអ្នកទស្សនា
- ថ្ងៃនេះ1201
- ម្សិលមិញ10851
- សប្តាហ៍នេះ67721
- ខែនេះ182871
- ឆ្នាំនេះ182871
- សរុប20625327